Бичсэн шүлгүүд минь

Улбар наран мандаж салхи тогтохын цагт
Үүлтэй нартай чамтай хамт би тоглодог.
Уулын цаагуур нуугдаад намайг орхиод явахад чинь
Учиргүй би ганцаардаж маргааш ирэхийг чинь хүлээдэг...

Бороо зүсрэн зүсрэн зүлэг норгоод
Зүүд дайраад өнгөрчих юм
Бодолд чи сэмхэн орж ирээд, сэтгэл шаналгаад
Төд удалгүй орхиод явчих юм.
Тэнгэр минь чи юунд аашилж
Тэр шөнө хэнд ч мэдэгдэхгүй уйлсан юм бэ
Тэнэгхэн би чинь чамд дурлачихаад
Тэр шөнөөр бороотой хамт уйлж байсан юм гэж үү?

Чиний өмнө би очихоороо
Чимээгүй нэг л гэм хийсэн
Хүүхэд шиг болчихдог
Аниргүйг эвдэж чамайг дуугарахад
Анхаарч чагнахдаа би жаргалтай байдаг
Найзын минь дүү чамтай хамт байхад
Надад үргэлж сайхан байдаг.